شاعر عامري يصف مدينة بوسعادة وماجاورها في قصيدة رائعة

يابوسعادة يا جميلة في لوطان **الجزائر دايراتك في لحضان

تاريخك بالعلم يزهر من زمان=سيدي ثامر هو العصمة والعنوان

اهلك شايعين بحفظ القرءان=المساجد تصيبها في كل امكان

اهلك مشهورين بالكرم حسن الجوار=بلاد الخيرات وابلاد الاحسان

فيك الثقافة او فيك العلم الوان=فيك الصالحين في كل امكان

فيك اهل الجهاد القائد زيان=ثاروا علي النيف وامحاو العتبات

علي ايمينك قسوم هو موللبرهان=اتجيه الزوار من كل امكان

القبـــــــة بيضـــــــة خيالهــــا من بعد ايبان =راك تريح يالي رايح تعبان

عين توتة معجزة منذ زمان=فيها ماء كثير طيب زاد ابنان

هذي كارمة من عند الرحمان=وليصبر لله العاقبة تزيان

سيدي بضياف هو مول الديـــــــــــــــــوان =والكلمة اذا قالها ذاك اليكان

ماننسي برهوم هو مول القيوان=ساكن جنب الواد راقد في لامان

الخضراوي وامقيرش راهم جيران=بن شخشوخ امقاموا وسط البنيان

الشيخ المشهور سيدي سليمان=القبة والنخلات هذوك البيان

بن بولفعة ظهرت بين الوديان=واكلاموا مثل العسل قالي يزيان

نصر الدين شهد امام الاعيان=حبوا ربي ايعود من اهل الفرقان

راجــــــل فيه الخيـــــر اينـــــــادي بالايمان =جا من بر ابعيد مشغول وحيران

خونا نصر الدين اعطالوا ربي شان=عندوا نظرة حادة فيها ميزان

ذا رسام اكبير عبر علي كان=خلا بصمات علي طول الزمان

يا بلادي ريحك ريحتوا مثل الريحان=فيك المسك واسايطو ريح اللبان

انت وردة نايضة في وسط اجنان=انت جوهر في وسط المرجان

انت اية نازلة من القرءان=انت حديقة ونوارك الوان

الي قصدك راه عمروا لايتهان=ايحوس ويروح لبلادوا فرحان

اسمحولي ياخواني ياجيران=اذا قصرت في وصفها زين البلدان

الشيخ ثامر معروف بكلاموا وزان=ابلادي مثل الماء وانا عطشان

ارض اجدادي تامسة ثم المكان=سيدي عامر فيه ناسي ولبنيان

شكرا ... القادم أعظم

صفحة 1 من اصل 1